Terras de Iria

Programa de Emprego Xuventude Terras de Iria 2023 Concello de Dodro, Concello de Padrón e Concello de Rois

Dodro Padrón Rois

O deporte nas Terras de Iria

Instalacións deportivas en:

Dodro

Padrón

Rois

Xogos populares

Temos un país rico en xogos populares. Aquí recollemos unha pequena escolma dos mesmos.

Xogo da mariola

Un clásico do xogo na rúa. A mariola, peletre ou patefa é un xogo tradicional infantil, no que se debuxan unha serie de casas numeradas no chan por onde ten que saltar o xogador, ou os xogadores por orde, despois de guindar un anaco de pedra chamado peletre ou patefa que se arrastra mentres se salta á pata coxa.Xogos_populares

Normas

  • Para comezar sortéase que xogador comeza a partida.
  • Tírase a china (pedra) ou a patefa na primeira casiña.
  • Realízase o percorrido, pero se se tocan as liñas perderá a quenda e pasará ao xogador contrario.
  • Se a china ou pedra non cae na casiña correspondente tamén se perderá a vez.
  • Cada xogador poderá tirar cantas veces poida, mentres non perda a quenda.
  • Cando se perde a quenda e se volve a entrar no xogo, pois xa pasara toda unha rolda de xogadores, empezarase a xogar onde quedara anteriormente.

Como se xoga Para comezar, tírase a pedra na casiña un e sáltase á pata coxa, sen pisar na casiña que ten a pedra.
Ao chegar ás casiñas divididas con dous números (as casiñas 4 e 5, e as casiñas 7 e 8), porase un pé en cada unha simultaneamente. Ao chegar á derradeira casiña, tamén dependendo das zonas, nunhas remátase o xogo e noutras séguese.

Tamén chamado trompo, peón, bailarete, sevillana… é un xoguete de madeira que se fai xirar cun cordel sobre unha punta de metal.
Precísase tamén dunha piola, unha corda que se amarra arredor do enredo que fará posible o baile do peón.

O poder xiroscópico gradualmente diminuirá debido ao rozamento do aire, conducindo a que o corpo se balancee trazando unha traxectoria circular do seu punto de apoio ata que esta sexa maior que o centro de gravidade, provocando finalmente a caída.

Para ver quen empeza pódese botar a sorte da “raia”, que consiste en lanzar o peón cara unha raia, sendo o primeiro o que quede máis perto da raia.

Buxaina, trompo
Pés quedos

Utilízase unha pelota e no centro dunha pista colócanse todos os xogadores.
Normas

  • O xogador do centro lanza o balón cara arriba, nomeando algún dos xogadores que o rodean.
  • O xogador nomeado debe recoller o balón antes de que bote no chan e os demais xogadores deberán afastarse do círculo o máis lonxe posible.
  • Cando o xogador nomeado recolle o balón dirá "pés quietos" e os demais xogadores non poderán moverse máis.
  • Así parados, o xogador que ten o balón dará tres zancadas seguidas para achegarse a un xogador por el elixido (sempre será mellor ao máis próximo, aínda que pode interesar algún outro xogador...).
  • Logo de dar as tres zancadas, o xogador lanza o balón intentando tocar o xogador elixido para poder eliminalo (pódese facer a un número de puntos determinado ao empezar o xogo).

O xogo continúa ata que só queden dous xogadores.

Pés quedos

É un xogo popular que consiste en lanzar uns discos redondos e planos, denominados pesos, pellos, pellas ou peletres, sobre unha peza metálica, chamada chave, colocada a certa distancia.

O obxectivo é petar cos pellos na chave o maior número de veces. A chave colócase inclinada e cunha pequena gabia atrás para que non roden os pellos.

Pódese xogar en equipo ou por parellas.

Cada zona ten as súas propias normas, que difiren entre si polo tamaño e forma da chave (con aspas ou sen elas, pequena ou grande etc.), no tamaño e peso dos pellos e no xeito de puntuar.

Fonte de textos e imaxes: Brinquedia.Rede Galega do Xogo Tradicional | Galipedia | recursos.edu.xunta.gal