O Proxecto
Benvidos ó sitio web do Programa de Emprego “Xuventude Terras de Iria 2023 (Dodro, Padrón, Rois). Chegamos aquí un 2 de Outubro de 2023, xuntamonos 15 mozos e mozas da contorna para poñer en marcha este proxecto, cheos de ilusión e con ganas de aprender.
Comenzamos este curso sen ningún coñecemento de código HTML, CSS nin JavaScript, pero pouco a pouco e gracias a axuda da nosa mestra Susi, empezamos a desenvolvernos. O inicio das clases teóricas e prácticas deunos pulos e forza, para logo poder sacar adiante o noso traballo e formación.
Entre todas e todos deseñamos e conformamos este portal, no que recompilamos información dos tres concellos. Da Rede Natura 2000 creamos de flora e fauna diferentes galerías, un mapa, así como un glosario de flora con termos de botanica; tamén elaboramos mapas con información xeográfica de rutas de sendeirismo e de bicicletas.
Realizamos un apartado para as actividades, no cal engadimos uns catalogos descargables de flora e fauna e alguns xogos interactivos e temos feito un recuncho do ocio para cada concello das Terras de Iria do cal podemos disfrutar mes a mes.
Estudamos a lexislación e clasificación de drons, asi como lugares de interese que visitar a vista de paxaro e recompilamos un directorio de instalacións deportivas e a súa localización nun mapa.
O obxectivo foi buscar e reunir toda a información que atopamos espallada en páxinas web, libros, xornais, etc, e plasmalo en un único portal para que se poida ver a riqueza que temos nas Terras de Iria.
Non queremos rematar sen antes mostrar o noso agradecemento a nosa a directora Loli, á titora Patricia, e administrativa Eva, así como aos obradoiros que nos precederon.
Esperamos que gocedes desta páxina!!!